Projet de centre d'enfouissement de déchets ultimes
Une super décharge dans le Saint-Ponais 
[ texte précédent ] [ retour au sommaire ] [ texte suivant ]

A totis los que se sentisson concernats
per la qualitat de la vida en Lengadoc e mai en Occitania

Olivier Fuchs, abitant de Sant-Pons

Sant-Pons es una pitchota vila del lengadoc naut, que, un cop era, era pro importante, per que totas las terras fins qu'en Roergue despenderon de l'evesca de Sant-Pons, e que naturalament, se trovet sosprefectura dempei Napoleon fins a 1926.
Ara, aprep la crisi del textil, i a pas pus d'industria, e aquel païs es pas considerat que coma un rèirepaïs, qu'ensatja de sortir de l'anonimat pel torisme patrimonial e environamental. Mas aquo's pas plan pesuc comparat al torisme "bronza-cuol" de la costa.

Aquo explica beleù perqué d'aucuns an pensat que lo rèirepaïs era poblat d'endarreirats, atrassats o "pelroges", coma diguet Peire Lagarda, e que porian en lai metre las escobilhas de mai de la mitat del despartiment.

Ailàs per la SITA-Sud (societat filiala de Suez grop, plan conegut), los indians e borruts traperon pas aquel project de lor gost e decidigueron de s'opausar e de portar lors criticas sus los registres de l'enquista publica. Un collectiu, que se transformet leu en associacion segon la lei de 1901 (nomenada PATANARES) , se creet. Una primiera manifestacion acampet mai de 800 personas…

Fin finala, los conseilhs municipals de Riols e Sant-Pons estatueron contra lo project d'escobilhas a Tanares (aquo lo nom del luoc ont volon portar 100 000 tonas de bren cada an).

Mas la lucha e pas acabada ; avem besonh de totis e de vosaus que legissetz aquo per aparar nostra region (qu'es lo parc regional del lengadoc-naut) d'una "fabrica de merda" qu'enviara dins los rius, encara plens de trochas caninas e d'escaravissas protegidas, de tonas de "lixiviats", tanbe dins l'air de gas toxics per polluir la flora, las bestias, los omes, las femnas, e los mainatges.
Olivier Fuchs, abitant de Sant-Pons
Çai-junt lo tract per la "manif" del 11 de genier (Podetz trapar sus aquel tract lo siti internet per coneisser mai sus lo project e la lucha que menam.

[ haut de page ]